VELKOMIN Á ÚTSKRIFTARSÝNINGUNA MÍNA
Ég heiti Gígja Sif og er Hafnfirðingur í húð og hár. Fólki finnst það stundum óþolandi hvað ég lofsyng Hafnarfjörðinn mikið, en þar þykir mér bara best að vera.
Ég á eina þriggja ára dóttur með kærastanum mínum og er önnur á leiðinni í júlí. Það er mikil tilhlökkun á okkar heimili fyrir því.
Eftir að ég kláraði Flensborg, jólin 2013, var planið að fara í háskóla í Danmörku. Við fluttum til Álaborgar og hófum nám í Álaborgarháskóla. Þar kynntist ég áhuga mínum á hönnun. Brautin mín hét „Arkitekt og Design“ og var þetta iðnhönnunarverkfræði. Í skólanum notuðum við mikið InDesign og elskaði ég það. Skólinn einkennist af mikilli hópavinnu og var ég þá alltaf í hóp með dönum sem skrifuðu verkefnin okkar en ég setti þau upp í InDesign, því ekki var ég að fara skrifa góðan texta á dönsku.
Svo þegar við fluttum aftur heim og ég kláraði fæðingarorlofið mitt, fann ég þetta nám í Tækniskólanum og skráði mig. Ég vissi ekkert hvað ég var að fara út í og viðurkenni að ég þekki þennan „bransa“ voða lítið. Mér hefur fundist gaman að læra, en það er bara alls ekki sjálfgefið.
Ég hlakka til að kynnast iðngreininni betur eftir fæðingarorlofið.
